Bling Bling....

Hvergi nema í Dubai er allt gull og glamour! Ég er búin að bíða spennt eftir því að eignast þessa flösku sem ég sá í desember á flugvellinum þar í borg. Eftir heldur tíðindalitla dvöl í París, 2 klst í Les Halles, því það var svo /&$#$% kalt að ég gat ekki verið úti fór ég aftur á vonda hótelið fann Kjartan og við fórum á tyrkneskan stað að borða. Kíktum svo á frábæra kabarett staðinn sem ég held mikið upp á. Þar hitti ég konu sem leit út fyrir að vera 100 ára og átti hótel í næstu götu og sagðist hafa verið frægur listamaður þegar hún var yngri. Hún sat ein í gervipelsinum sínum, spjallaði við alla reykti og drakk kampavín. Mér fannst hún æði. Í dag var svo flogið heim, sú flugvél minntí nú meira á rútu heldur en þotu eftir glamorinn hjá Emirates. Það voru "bara" 80 manns í vélinni, en það eru ekki 80 manns með 360 sæti eins og síðast!!! Ég fékk reyndar 3 sæti en einn armurinn fór ekki upp svo ég gat ekkert lagst hvort sem var. En heim komst ég og í gegnum fríhöfnina með nýja símann minn svo þeir sem ég hef ekki þekkt í meira en kannski 2-3 ár (síðan síðasta kort er) mega senda mér númerin sín!! Segi annars þessum skrifum lokið en bendi á myndir hér til hliðar. Nýjasta nýtt!